Xisbul Islaam Oo Cafis U Fidiyay Maamulkii Hore Ee Gedo.

Afhayeenka Xisbul Islaam ee gobolka Gedo ayaa sheegay inay cafis buuxa u fidinayaan maamulkii hore ee gobolkaas oo hada magan galyo siyaasadeed ku jooga gudaha Itoobiya. Afhayeenku wuxu sheegay in walaalaha magan galay Itoobiya ay u haboon tahay inay soo magan galaan walaahooda Xisbul Islaam oo u balan qaadaya inay nabad galin doonaan.

Go'aankan ayaan la ogayn sida ay u aqbali doonaan ururka Al-Shabaab oo ay ka go'an tahay inay dilaan cid walba oo la shaqayn jirtay maamuladii dowladii hore iyo kuwa dowladan hada jirtaba. Waxa la filayaa in xoogaga Al-Shabaab ay ka jawaabaan arinkaas, inkastoo ragga loo fidiyay cafiska ay ku adkaan doonto inay dib ugu soo noqdaan gobolka Gedo mar hadii aysan isku raacin labada urur cafiskaas.